Oktâbrniñ 24-nde Pragada ötkerilecek "Qırım platforması" ekinci Parlament sammitinde 70-ke yaqın çetel delegatsiya iştirak etecek, dep haber ettiler Ukrayina Yuqarı Radasınıñ matbuat hızmetinde.
"Oktâbrniñ 24-nde Çehiya Cumhuriyetinde halqara "Qırım platforması"nıñ ekinci Parlament sammiti ötkerilecek. Mında bütün dünyadan 70-ke yaqın parlament delegatsiyası iştirak etecek. Sammitke Ukrayina Yuqarı Radasınınh başı Ruslan Stefançuk ve Çehiya Parlamentiniñ spikeri Marketa Pekarova Adamova reislik yapacaqlar", - dep yazıla bildirmede.
2022 senesi oktâbrniñ 24-nde Horvatiyada "Qırım platforması" birinci Parlament sammiti öz işini başladı. Sammit eki kün devam etti. Birinci kün Qırımnıñ işğalden azat etilmesinden soñ reintegratsiyası meselelerine, keçüv adliye ve Rusiyeniñ halqara cinayetleri içün mesüliyetke çekilmesi aqqında munaqaşalarğa bağışlanğa edi.
«Qırım platforması» – Ukrayinanıñ teşebbüsinen qurulğan halqara mesleat-koordinatsion formattır. Onıñ maqsadı Qırım işğaline qarşı halqara cevap semereligini arttırmaq, telükesizlik havflarınıñ artmasına cevap bermek, Rusiye Federatsiyasına qarşı halqara basqını quvetleştirmek, insan aqlarınıñ bozuluvına yol bermemek ve Rusiye rejiminiñ qurbanlarını qorumaq, em de esas maqsadı Qırımnı işğalden azat etip, Ukrayinağa keri almaqtır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.