Rusiyeniñ Rostov-na-Donudaki mahkemesi Qırımdan bala idmancısı Emil Ziyadinovnı 17 yıl apis cezasına mahküm etti. Bunı "Qırım birdemligi" cemaat birleşmesine Emil Ziyadinovnıñ ağası Selim haber etti.
"Tuvğanlarımızğa ve yaqınlarımızğa kösterilgen qabaatlavlar, terrorizm ve ekstremizm ve akimiyetni elge keçirüv lağap taqmalar olarğa ait degildir. Olar bunda uzaqlar. Tuvğanlarımızğa kösterilgen qabaatlavlar ile iç bir vaqıt razı olmamız", - dedi Selim Ziyadinov.
Haber etilgeni kibi Emil Ziyadinov birinci 4 yılnı apishanede, qalğan müddetni sert rejimli koloniyada keçirmek kerek.
Your browser doesn’t support HTML5
«Я надеюсь, что они вернутся домой». Суд над Эмилем Зиядиновым
Evel Rusiye prokuraturası «qırımlı musulmanlar davasınıñ» mabüsi, qırımtatarı Emil Ziyadinovnı 17 yılğa apiske almağa talap etti.
«Memorial» aq qorçalayıcı merkezi halqara kriteriylerge esaslanıp, «Hizb ut-Tahrir davasınıñ» mabüsi Emil Ziyadinovnı siyasiy mabüs dep tanıy. Bu aqta aq qorçalayıcı teşkilâtnıñ saytında derc etilgen beyanatta aytıla.
2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.