Rusiye Qırım yarımadasını işğal etkeninden berli 370 siyasiy sebepli cinaiy taqip qayd etildi, olardan 228 qırımtatarlarğa qarşı. Bu aqta Qırımtatar resurs merkezi öz saytında haber ete .
QRM siyasiy mabüslerni ve taqip etilgenlerni şoyle beş kategoriyağa böle:
- mahküm etilgen ve apishanelerde bulunğanlar: 176 insan, olardan 107 qırımtatar
- sıñırlav ya da sınav müddeti olğanlar: 49 insan, olardan 25 qırımtatar
- SİZO-da 54 insan buluna, olardan 33 qırımtatar
- azat etilgenler: 57 insan, olardan 35 qırımtatar
- taqip etile: 34 insan, olardan 28 qırımtatar.
Sentâbrniñ soñunda QRM 362 siyasiy mabüs ve taqip etilgen şahıs aqqında haber etti, olardan 226 qırımtatar halqınıñ vekilidir.
Sentâbr ayında Rusiye azatlıqtan marum etüv yerlerinde yaşı 60-tan büyük olğan 17 qırımlı ve ukrayin faalini tuta, dep haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.