14 yılğa üküm etilgen Aqmescitli faal Rustem Seythalilovnı Rusiyeniñ Ulânovsk vilâyetiniñ apishanesinden Rusiye koloniyasına alıp kettiler, dep bildire "Qırım birdemligi".
Onıñ aytqanına köre, bu sentâbrniñ 24-nde saba saat yedide oldı. Ertesi künü o, "Zonatelekom" vastasınen telefon etip, Qazanda olğanını bildirdi.
"Rustem maña telefon etip, şimdi Qazan şeerinde olğanını ayttı. Tezden olarnı Kirovğa alıp ketecekler, soñra Vologdağa. Bu onıñ bilgenidir. Neticede qayda ketireceklerini daa bilmeyim", — dep bildiridi apayı.
Rustem Seythalilov — Qırım birdemliginiñ faali. Apiske alınmazdan evel Qırımda siyasiy mabüslerniñ qorantalarına yardım ete edi, mahkemelerge bara edi, SİZO-da malümat bere edi, diniy bayramlarnıñ keçirilmesine yardım ete edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.