Keçken sene Aqmescit suv anbarınıñ tolduruvınen bağlı vaziyet "umütsiz neticeler" kösterdi, deyerlik bütün yıl devamında suniy suv anbarından Salğır özenine suv çıqarılmadı, suv anbarı ise bugünge qadar toldurılmayıp qaldı. Bu aqta Qırım.Aqiqatqa adını açıqlmamaq şartınen Qırımlı ekolog haber etti.
Ekolognıñ aytqanına köre, Aqmescit suv anbarını tolduruv vaziyeti "ep beterleşecek".
"Keçken sene Aqmescit suv anbarından Salğırğa suv aqızılmadı, bu ise özen yatağınıñ ziyade östürilmesine ve bataqlanmasına sebep oldı. Amma bu suv anbarınıñ tolduruv meselesinen teñeştirilgende ufa-tüfek problemlerdir. Mesele, Salğır ve Kurça özenleriniñ vadiyleriniñ büyük kölemli quruluvlar sebebinden daa da beterleşe. Yerli başlıqlar, kâr elde etmek maqsadınen öenlerni vesiqalarda irmaq statusına deñiştireler ve suv qoruma qanunına riayet etmeyler. Bunıñ neticesinde özenlerniñsuvu azlaşa", — dep añlattı ekolog.
Ekolognıñ aytqanına köre, Rusiye akimiyetiniñ Qırım yarımadasında kütleviy quruv içün saylanğan strategiya, Qırım özenleriniñ aqımınıñ eksilmesine ketire.
Keçken sene, işğal etilgen Qırımda boğday ve yüzüm ekinlerinde qıtlıq oldı. Rusiyeniñ yerli akimiyeti bunıñ sebebini qurğaqlıqnen bağlay.