Nazirlikniñ bildirgenine köre, uçaq tüşürildi. Başqa tafsilâtlar berilmey. Rusiye akimiyetiniñ beyanatları mustaqil tasdıqlanmalı.
Mayısnıñ 17-ne keçken gecesi Aqyarnıñ Rusiye yolbaşçısı Mihail Razvojayev ilhaq etilgen Qırım uçucısız uçaqlarnıñ ücümine oğrağanını bildirdi. Ücüm neticesinde Aqyar qısmen ışıqsız qaldı. Razvojayevniñ bildirgenine köre, bu, "Sevastopol" ast stantsiyasındaki donatmalarnıñ bir qısmınıñ söndürilüvi ile bağlı, anda tüşürilgen uçaqlarnıñ parçaları tüşti.
Daa soñra Rusiye Mudafaa nazirligi Qırım üzerinde 51 uçucısız uçaq yoq etilgenini bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.