Qırım camileri: Qurmanda Mekke Camisi (süret toplamı)

Qurman rayonında camini 90-ıncı yıllarda qırımtatarlarnıñ qasabası yanında qurıp başladılar. SSSR dağılğanından soñ, 1944 senesi sürgün etilgen qırımtatarlar kütleviy şekilde Vatanına qaytıp başladı

Qasabanıñ şimdiki adı Krasnogvardeyskoye. 2016 sensi mayıs 12-sinde, dekommunizatsiya qanunına köre, Ukraina parlamenti, Qurman adını resmiy olaraq qaytardı, bu qarar, "Qırım Ukraina qanun alanına qaytqanda" amelge keçirilecek

1999 yılı cami qurulışı bitirilgen edi. Bunı Mekke Caminin baş qapısı üzerinde asılğan yazı bildire

Caminiñ içinde telefonlarnı söndürmek kerek olğanı aqqında ilân bar

Sadaqa qutusı

Saat ve Quran süresi

Caminiñ eñ büyük odası, mında cuma namaz keçirile

Balkondan büyük odağa körüniş

Ortada mihrap yerleşken. Mında, namaz vaqtında cemaatnıñ ögünde turğan cami imamı dua ete. Sağ taraftan - minber, anda imam hutbeni keçire

2019 senesi aprelde camide qadın-qızlar içün Quran dersleri açıldı

2007 senesinden berli camide Qırımnıñ yekâne Qurman afızlar mektebi çalışa