Qırım camileri: Körbek cami – ecdatlarnıñ vasiyeti (fotoresimler)

Körbek cami Aluştadan bir qaç kilometr mesafede olğan Körbek köyüniñ tam merkezinde yerleşe. 1945 senesine qadar köyniñ qırımtatar adı bar edi – Körbek

Cami minaresini XX asırnıñ başında yıqqanlar, binanı ise 1994 senesi yaqqanlar. 20 yıldan soñ camini eski yerinde ğayrıdan tiklep oldılar

Cami qurucılığı belli türk iş adamı Murat Ülkerniñ parasına yapıldı. İş adamı Körbek caminiñ soñki imamı, qırımtatarı Devlet-hacı İslâmnıñ torunı ve türk şekerleme yapıcısı, «Ülker» şirketiniñ qurucısı Sabri Ülkerniñ oğlu ola. Forbes mecmuası bir qaç kere Murat Ülkerni Türkiyeniñ eñ zengin adamı olaraq adlandırğan edi. Onıñ barlığı 3,7 mlrd ABD dollarını teşkil etmekte

2014 senesi iyün ayında Körbekte caminiñ tantanalı açılışı olıp keçti. Camige kelgenlerniñ aytqanına köre, Devlet-hacı İslâm vefat etmezden evel oğlu Sabri Ülkerden camini ğayrıdan tiklemesini istedi. Lâkin o, bunı yapıp olamadı. Bu işni Körbek caminiñ soñki imamınıñ torunı Murat Ülker öz boynuna aldı

Cami qurucılığında mermer ve siyrek rastkelgen terek çeşitleri qullanıldı. Bütün yazılar arap urufatınen yapıldı, mihrap ve cami kirişinde yaldız altını qullanıldı

Sadaqa qutuları

Cami içindeki merdiven mermerden yapılğan

Cami 400-500 insannı sığdıra. Birinci qatta imam odası, oğlanlar içün medrese ve yataq odası, sınıflar, aşhane ve eki abdesthane bar – qadınlar ve erkekler içün ayrı

Ekinci qatta erkekler ve qadınlar içün eki ayrı ibadet odası bar. Er cuma künü mında cemaat namazı qılına

Qoranta quracaqlar bu camini nikâh qıymaq içün sıq-sıq saylaylar