Aqmescitte «Qırım birdemligi»niñ mühbiri Vilen Temeryanov 14 künlük tevqiften soñ azat etildi. Tevqifniñ sebebi, Muvaqqat tutuv izolâtorından çıqqan advokat Edem Semedlâyevni qarşılağa kelmesi oldı.
Fallerniñ bildirgenine köre, Volnoye köyünde Temeryanovnı köydeşleri ve dostları qarşılağan. Olar ziyafetler ketirgen, qollarnda ise Vilenniñ destegine plakatlar bar edi.
Temeryanov Aqmescit Muvaqqat tutuv izolâtorında 14 kün keçirdi.
Aqmescitte noyabrniñ 23-nde aqşam Rusiye quvetçileri azatlıqqa çıqqan Edem Semedlâyevni qarşılamaq içün vaqtınca tutuv izolâtorınıñ binasına kelgen faallerni tuttı. 31 insan tutuldı, aralarında 10 qadın, jurnalistler ve matbuat kartları olğan «Qırım birdemliginiñ» mühbirleri bar. Tutulğanlar üç polis bölügine alıp ketirildi.
Aqmescitniñ vaqtınca tutuv izolâtorınıñ binası ögünde tutulğan 15-ten çoq qırımtatar faali Rusiye kodeksiniñ memuriy maddesine istinaden apiske alındı.
Qırım Muhtar Cumhuriyeti ve Aqyar prokuraturası qırımtatar faalleriniñ tutuluvı sebebinden cinaiy tahqiqat başlattı.
Ukraina akimiyeti, aq qorçalayıcılar, çetel elçihaneleri ve missiyaları Rusiyeni Qırımda böyle taqiplerni toqtatmasına çağıra. Rusiye akimiyeti böyle çağıruvlarnı körmemezlikke ura.