Qırım kurortlar ve turizm Nazirliginde, yılnıñ başından berli yarımadada 3 million 346 biñ turist raatlandı, dep iddia ete.
"Qırımnı ziyaret etken turistlerniñ 62%-ı Qırım köpründen keldi. Böylece, 2019 senesiniñ başından berli, köpürden Qırımğa qararnen 1 million 74 biñ naqliyat kirdi, olardan 16 700-i - avtobuslar", - denile beyanatta.
Bundan ğayrı, müessise, 253 biñ adam Qırımğa qıta Ukrainadan keldi, dep qayd ete.
Ukrainanıñ vaqtınca işğal etilgen topraqlar meseleleri nazirligi, iyünde Qırım ve Herson vilâyeti arasında memuriy sıñırnı keçken adamlarnısayısı arttı, dep bildirgen edi. Müessise, ilhaq etilgen Qırımda yaşağan adamlar, Ukrainanıñ qıta qısmına qorantalarını yoqlamaq, kerekli mallarnı satın almaq ve ihtiyacları olğan hızmetlerni almaq içün bara, dep qoşalar.
İyül başında Qırım kurort ve turizm nazirligi, yılnıñ başından berli Qırımnı 2 milliondan çoq turist ziyaret ett, dep iddia etken ediler.