Salğır yağmur yağmasını bekley: qurğaq Qırım küzü ve suv buhranınıñ devamı (fotoresimler)

Universitetniñ nebatat bağçası ögündeki suvı az qalğan Salğır özeni

Bu künleri Kiyevskaya soqağındaki köpür civarlarında onıñ betonlı kirişini balçıqtan temizlegenler, soñra bunı kezinti yeri yanındaki sailge tökkenler

Gurzufskaya soqağı civarındaki özenni ot bastı. Köpürge qadar çıqtı

Keçken yılları mayıs-iyün aylarında suvı çoq olğan Aqmescit suv anbarınıñ şlüzlerini köterip, suvnıñ Salğırğa ketmesini temin etken ediler. Qaç yıldan berli bunı yapmaylar: birinciden, qar az yağğan qışlar ve yağmur az yağğan baarler sebebinden

Devam etken anomal qurğaqlıq suv anbarını aman-aman özen enine «qıstı»

Onıñ tübü ase maşina ve mototsikl keçitine çevirileyata

Taygan suv anbarından Qarasuvbazar suv anbarına suv bergen 15 boru da yüz metr ilerige alındı

Suv anbarı sailindeki borular yanında Rusiye boru bölüginiñ askeri nevbet tuta

Suv keçirilüvi neticesinde suv bent yanındaki direkke bile yaqınlaşmadı

Quruğan çalılar üzerindeki yol

Aqşam küneşi nurlarındaki taş belinde

Atlas suv anbarınıñ sailinde otlay...

...Ve eçkiler. Bazıları tereklerniñ yeşil yapraqlarını aşay...

Kelgen «altın» küzniñ küneş batuv boyaları