Ukraina qurtarıcıları Çornobıl alanındaki yanğınlarnı söndürmege devam ete, dep haber ete Ukrainanıñ Fevqulâde vaziyetler devlet hızmetiniñ matbuat hızmeti, dep bildire Azatlıq Radiosı.
«Aprelniñ 14-nde saba saat 7:00-da çet ve yaşayış içün qapatılğan yerlerde Fevqulâde vaziyetler hızmetiniñ bölükleri Korogodske, Detâtkovske, Parişivske ve Denisovetske orman müdirliklerinde yanğın söndürilüvine yardım ete. Ot ve orman otu parça-parça yana», – dep aytıla haberde.
Qurtarıcılarnıñ malümatına köre, yanğın söndürilüvine 415 insan ve 98 dane tehnika celp etildi.
Your browser doesn’t support HTML5
Çornobıl: orman yana (video)
Kyiv ve vilâyetteki radiatsion vaziyet stabil, yerdeki ekspozitsion doza küçü ve suvdaki radionuklid qabilden çoq degil, dep qoştı Fevqulâde vaziyetler hızmeti.
Çornobıl alanında büyük yanğınlar eki aftadan berli söndürile.