Qurtarıcılar yanvarniñ 10-11-nde Ay-Petride çığ tüşme telükesi bar olğanını bildirdi. Bu aqta Qırımdaki Rusiye Fevqulâde vaziyetler nazirliginiñ idaresi haber ete.
«Qırımnıñ gidrometeorologiya ve tabiat monitoringi idaresiniñ malümatına köre, yanvarniñ 10-nda künniñ ekinci yarısında ve yanvarniñ 11-nde kün devamında Ay-Petri yaylasında sılaq qar çığlarınıñ tüşmesi beklenile», – dep aytıla haberde.
Haber etilgeni kibi, Qırımdaki Rusiye Fevqulâde vaziyetler idaresiniñ küç ve vastaları yanvarniñ 10-nda ava bozulğanından yüksek azırlıq rejiminde buluna.
Yanvarniñ 4-nde Yalta – Ay-Petri yolunda çığ tüşti, onlarnen maşina blok etilip qaldı. Yanvarniñ 5-nde saba yol endi temizlengen edi.
Bundan evel Qırımdaki FVN idaresi yanvarniñ 10-11-nde furtuna havfı olacaq, dep bildirgen edi. Cenübiy tsiklon sebebinden regionda küçlü qar ve yağmur yağması, tuman, klegey buz ve saniyede 25 metrge qadar yel esmesi beklenile.