Qırımnıñ Qurman rayonında Rusiye ava mudafaa sisteması çalıştı. Kökteki iz fotoresimleri Qırımdaki Telegram kanalları derc ete.
Ava raketalarına oşağan beyaz tuman izleriniñ fotoresimlerini «Jest Krım» ve «ÇP Krım» Telegram kanalları derc etip, tafsilâtlı bir malümat bermedi.
Qırımnıñ Rusiye akimiyeti ve arbiyleri vaziyetni daa izaatlamadı.
Hatırlatamız, Qırımnıñ ğarbindeki Yalı Moynaq (Zaozernoye) qasabası ve Aqyarda ava mudafaa sisteması çalıştı, dep haber etilgen edi.
Rusiye kontrolindeki Qırım yolbaşçısı Sergey Aksenov Qırımnıñ ğarbinde Rusiye mudafaa sisteması uçucısıznı urıp tüşürdi, dep bildirdi. Aqyar körfezinde urıp tüşürilgen uçucısız aqqında Rusiye kontrolindeki Aqyar yolbaşçısı Mihail Razvojayev de bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.