Rusiye Qırımnı işğal etken soñ yarımadada 29 insan ğayıp oldı, olarnıñ arasında 18 qırımtatar halqınıñ vekili. Bunı Qırımtatar Resurs Merkezi bildire.
Aq qoruyıcılarnıñ malümatına köre, işğal etilgen Qırımda ğayıp olğanlar: Abduramanov Rizvan, Aliyev Arsen, Aliyev Server, Alâutdinov Marsel, Apselâmov Eskender, Aripov Şevket, Arıslanov Muhtar, Bondarets İvan, Vaşçuk Valeriy, Ganiyev Ruslan, Grişçenkov Sergey, Cepparov İslâm, Zinedin Seyran, İbragimov Yermi, Kapliyenko Maksim, Klapova Yekaterina, Kobzar Anatoliy, Kostenko Fedor, Platonov Oleg, Polük Natalya, Soliyev Farhad, Suyünov Arsen, Terehov Arlen, Çerniş Vasiliy, Çernuha Tamara, Şaymardanov Timur, Şevketov Marlen.
"Yazıq ki, Kremlniñ kontroli altında olğan Qırım akimiyeti, BMT Baş Assambleyasınıñ A/RES/71/205 Rezolütsiyasına binaen Rusiye işğal devleti olaraq tanılsa da ve oña bu topraqta insan aqlarına riayet etüv mesüliyeti berilse de, bu adiseler tahqiq etilmey yalıñız bit körüniş bar", — dep aytıla haberde.
QRM-niñ hadimleri ve ekspertleri BMT, OSCE, PACE halqara meydançıqlarında halqara toplulıqnı insan aqlarınıñ bozuluvı aqqında defalarca haberdar etip lediler. "Qırımda tamır qırımtatar halqı ve Ukrayina tarafdarı olğan faallerge basqı ve qorquzuv usulı olaraq qullanılğan insanlarnıñ apiske alınmasını, tutulmasını ve hırsızlanmasını takbih etemiz", — dep aytıla teşkilâtta.
Qırımtatar resurs merkezi Ukrayinanıñ işğal etilgen topraqlarda insanlarnıñ hırsızlanuvı aqqında malümatnıñ tarqatılmasınıñ müimligini qayd ete.
Oraq ayında Rusiye akimiyeti siyasiy sebeplerden taqip etilgen 260 qırımlını apishanelerde tuta, dep haber etken edi. Olardan 153 qırımtatardır.