2026 senesiniñ başından berli Qırımda Rusiye akimiyeti tarafından Qırımlılarğa qarşı 9 siyasiy sebepli tevqif ve bir sıra diger bozuv qayd etildi, dep haber etile Qırımtatar resurs merkeziniñ (QRM) Qırımda insan aqlarınıñ bozuluvı aqqında qara qış ayı tarihlı esabatında.
Bundan ğayrı, adaletli mahkeme aqqınıñ bozulması 15 kere qayd etildi, Qırım territoriyasında Rusiye quvetçileri tarafından keçirilgen sorğular, soravlar ve "subetler" 4 kere qayd etildi.
Cenk şaraitlerinde alternativ menbalar yardımınen kösterilgen raqamlarnıñ doğrulığını tasdıqlamaq şimdilik qıyın. Qırımda insan aqlarınıñ bozuluvı bazı adiseleri Rusiye quvetçileriniñ basqısı sebebinden aydınlatılmay.
Rusiye akimiyeti bu malümatnı izaatlamay.
Bundan evel Qırımtatar resurs merkezi Qırımda insan aqlarınıñ bozuluvı aqqında 2025 senesiniñ esabatını derc etti, oña köre, ilhaq etilgen yarımadada bir yıl devamında 244 apiske aluv qayd etildi, olardan 90 qırımtatarlarğa nisbeten. Bundan ğayrı, 40 tintüv, 159 yaqalanuv, 158 sorğu, sorav ve "subet" qayd etildi.