Qıtaynıñ cenübinde martnıñ 21-nde China Eastern Airlines uçaq şirketiniñ 133 yolcusı ve ekipaj azaları bulunğan Boeing-737 yolcu uçağı tüşti, dep bildire Qıtaynıñ Merkeziy televideniyesi.
İlk malümatqa köre, uçaq memleketniñ cenübindeki Guansi-Çjuan muhtar rayonınıñ Uçjoş şeer okrugındaki Ten uyezdinde dağğa uruldı. Qaza yerinde yanğın başladı, qurtarıcılar anda yol aldı.
We are following multiple unconfirmed reports about a possible accident involving China Eastern Airlines flight #MU5735 a Boeing 737-89P (B-1791) en route from Kunming to Guanghzou, China. pic.twitter.com/d8MhU7mZPv
— Aviation Safety Network (ASN) (@AviationSafety) March 21, 2022
Uçaq Kunminden Guançjouğa kete edi. Flightradar24 portalınıñ malümatına köre, uçaq uçuşnıñ bir saatından soñ radarlardan coyuldı.
Tüşken uçaq tahminen 7 yaşında, China Eastern Airlines onıñ ilk saibi. Qazadan evel uçaq ciddiy adiselerge oğrammağan edi. Yaralanğanlar aqqında haber etilmey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://ddqp4xjpo7z2y.cloudfront.net/ . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.