İyünniñ 26-nda Ukrayınada Qırımtatar bayraq künü qayd etile – birlik, qırımtatarlarnıñ nesil bağı ve kelecek azatlığı ve aqları oğrunda küreşniñ timsali.
Kök bayraqlı altın tamğa – qırımtatarlarnıñ milliy yañıdan tiklenüviniñ timsali. 1917 senesi Birinci Qurultay bu bayraqnı milliy olaraq tasdıqladı. Qırımtatar bayraq künü 2010 senesinden başlap qayd etile. Yarımadada peyda olğan adet şimdi esas Ukrayınada da devam ettirile. Qırımda ise 2014 senesiniñ işğalinden soñ qıorımtatarlarnıñ Rusiye istilâsına qarşı tirenüv timsali ve kimligini bildirüv usulı oldı.
İyünniñ 26-nda saba Kyiv şeer devlet memuriyetiniñ binası ögünde qırımtatar bayrağı köterildi. Tedbirde Qırımtatar Milliy Meclisiniñ reisi Refat Çubarov iştirak etti.
Золото на синеве. Флаг крымских татар от 1917 года и до наших дней (фотогалерея)
«Qırım statusınen bağlı bir de bir munaqaşa olsa, Qırım muhtariyetiniñ bayrağı nasıl olacaq artıq muzakere etilmeycek, dep eminim. Ukrayına devlet bayrağınıñ yanında yelpiremekte. Qırım azat etilecek, devlet suvereniteti em Qırımda, em bütün köşelerinde ğayrıdan tiklenecek», – dep qayd etti o ve Rusiye tutqan 200-den çoq siyasiy mabüs qoltutuvğa muhtac, dep hatırlattı.
Saat 11:00-de Ekinci cian cenkinde Ukrayına milliy tarih müzeyinde Ukrayına rekordı qayd etilecek – eñ büyük qırımtatar bayrağı.
Your browser doesn’t support HTML5
С флагом по Крещатику. Шествие ко дню крымскотатарского флага в Киеве (видео)
İyünniñ 29-nda «Qırım evi» Ukrayına Milliy halq ve turmuş mimarcılığı müzeyinen beraber Qırımtatar bayraq kününi qayd etecek.
Tedbir çerçivesinde qırımtatar çiftliginiñ (Qırım sakinleriniñ ananeviy evi) rekonstruktsiyası taqdim etilecek, ev taşınıñ timsali olaraq informatsion levhanıñ tiklenecek ve qırımtatar bayrağı köterilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.