Ukrayına katolik universitetiniñ din ve cemiyet institutı qırımtatar tilini ögrenüv kursını başlata. Bu aqta oquv yurtu Facebook saifesinde haber ete.
«Din ve cemiyet institutı qırımtatar tilini ögrenüv kursını başlata. Bir semestr devamında 15 ders, tecribeli oca, qırımtatar medeniyetinen tanışuv ve programma çerçivesinde «musulman Lvivi» ekskursiyası», – dep haber etile.
Kurs çerçivesinde ocanıñ ekspertizası, til kursını keçkenine dair sertifikat, Qırım medeniyeti ve ananelerinen til ögrenüvi, Lvivniñ musulman ayatı aqqında ekskursiya olacaq.
Programma sentâbrniñ 16-nda başlanacaq.
Daa evel Ukrayınada latif urufatında qırımtatar tili imlâsı azırlanacaq, dep haber etilgen edi.
Bundan ğayrı, Ukrayına prezidentiniñ Qırım Muhtar Cumhuriyetindeki vekili Tamila Taşeva Qırımda balalarnıñ tek 0,1%-ı ukraince ve qırımtatarca ögrene bile, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.