Babasız balalıq. Qırımlı siyasiy mabüslerniñ balaları (fotoresimler)
Mumine – Aqyardaki birinci «Hizb ut-Tahrir davasınıñ» mabüsi Ruslan Zeytullayevniñ qızı. Fotoresim Ruslan apiske alınğanından üç yıldan soñ çıqarıldı. O, 15 yıl sert rejimli koloniyanda qalmasına üküm etildi ve şimdi Salavat şeeriniñ (Başkortostan) №2 tüzetüv koloniyasında buluna
Bekir Kuku, aq qorçalayıcı Emir-Usein Kukunıñ oğlu, köpeginen oynay. Oğlançıq babasını hırsızlağanlar, babasınen beraber balalığını da alğanlar, dep ayta. Babası koloniyada bulunğan Bekir Kukular qorantasınıñ yekâne erkegi qaldı
Naciye ve Yunus, qırımtatar aq qorçalayıcısı Server Mustafayevniñ balaları, salıncaqta sallana.
Rostov-na-Donu Cenübiy okrugınıñ arbiy mahkemesi Server Mustafayevni «Hizb ut-Tahrir davası» boyunca 14 yıl sert rejimli koloniyada qalmasına üküm etti. Anası Venera Mustafayeva üküm arfesinde «Camide subetler cinayet degildir! Oğlumnı qaytarıñız» yazuvlı şiarınen bir kişilik narazılıq aktsiyasına çıqqan edi ve şu sebepten para cezasını aldı
Ayat, Aqmescitteki birinci «Hizb ut-Tahrir davasınıñ» mabüsi Uzeir Abdullayevniñ kiçik qızı, evde aşhanede oynay. Babası ve emcesi bir künde apiske alındı. Uzeirniñ doğmuş qardaşı Teymur bir yıldan ziyade koloniyanıñ ceza izolâtorında yata ve, anası aytqanına köre, «alı kritik».
«Teymurnen qısqa bir körüşüvim meni şaşırttı. Oğlumnı eziyet çekken alda kördim, çırayı yoq – terinen kemikleri qalğan, kontslagerden kibi. Beti şişken, közleri sarı… Sağ yeri qalmağan», – dep tarif etti qadın.
2019 senesi iyün ayında Uzeir Abdullayev 12 yıl ve 6 ay apis cezasına üküm etildi
Vatandaş jurnalisti Osman Arifmemetovnıñ qızı Fatima bala kitabını sesli oquy
Apiske alınğan vatandaş jurnalisti Remzi Bekirovnıñ balaları çay içe. Babası Osman Arifmemetov ve daa 22 insannen beraber tutuldı
Aqmescitteki ekinci «Hizb ut-Tahrir davasınıñ» mabüsi, apiske alınğan çalğıcı Erfan Osmanovnıñ oğulları. Kiçik oğlu Kamal qoranta fotosüretini köstergen anasını qolundan tuta. Osmanovlar qorantasınıñ dört balası bar
Sultaniye Adilova – apiske alınğan din erbabı, Aqmescitteki ekinci «Hizb ut-Tahrir davasınıñ» mabüsi Bilâl Adilovnıñ qızı. Fotoresim qıznen yapılğan intervyü vaqtında yapıldı – o, babası aqqında aytıp ağladı
Apiske alınğan Farhod Bazarovnıñ ömür arqadaşı Fatime qızlarına bala ikâyesini ayta
Yaşar Muyedinovnıñ qızları babasına SİZOğa resim yapıp yollay
Bağçasaraydaki ekinci «Hizb ut-Tahrir davası» mabüsiniñ qızı ev kirişi ögünde özüne küzgüge baqa
Vadim Siruknıñ büyük qızı Amina oña varaqa imzalay