Rusiyeniñ Mudafaa nazirligi noyabrniñ 16-sına keçer gecesi Rusiyeniñ ava mudafaası 34 dronnı yoq etti, dep bildire. Bir danesi, iddia etilgenine köre, işğal etilgen Qırımda.
«Ava mudafaasınıñ nevbetçi vastaları 34 Ukrayina uçucısızını yoq etti. Yigirmi uçucısız Kursk vilâyetinde yoq etildi, on biri – Brânsk vilâyetinde ve birer uçucısız Qırım Cumhuriyeti, Belgorod ve Kaluga vilâyetlerinde urıp tüşürildi», – dep aytıla haberde.
Ukrayina tarafı bu malümatnı izaatlamadı.
Bir kün evelsi Rusiye müessisesi yarımadada üç dron yoq etilgenini bildirdi.
Qırım.Aqiqat muarririyeti Rusiye tarafınıñ beyanatlarını teşkerip ya da tasdıqlap olamay. Lâkin 2022 senesinden başlap işğal etilgen yarımadağa aman-aman er kün dronlar ve raketalar ücüm ete, çoqusı allarda malümat tasdıqlansa da, Rusiye Mudafaa nazirligi ya da Rusiye akimiyeti arbiy obyektlerge qarşı darbelerni tasdıqlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.