Oktâbrniñ 19-ndan noyabrniñ 4-ne qadar işğal etilgen Qırımda eñ az 9 kişi tutuldı, dep haber ete Qırımtatar resurs merkezi.
Laf aşağıdaki qabaatlavlar aqqında kete:
- «casuslıq» – 1 insan tutuldı;
- Ukrayinağa maddiy yardım «kösterilüvi» – 1 kişi tutuldı;
- Rusiye ordusını «itibardan tüşürüv» – 1 kişi tutuldı;
- Ukrayina istihbaratına «yardım» – 1 kişi tutuldı;
- öldürüvge suiqast etüv – 3 insan tutuldı;
- «devlet hainligi» – 1 kişi tutuldı;
- balanı terbiyelev vazifelerini «keregi kibi yapmama» – 1 insan.
Qırımtatar resurs merkezi qayd etkenine köre, Qırımda şahsiy malümatnı tarqatmama arta, şu sebepten taqip etilgenlerniñ kimligini añlamaq zor ola.
Qırımtatar resurs merkezi bildirgenine köre, onıñ malümatına köre, sentâbr ayında Rusiye uquq qoruyıcıları eki tintüv keçirdi, altı insannı tuttı, altı sorğu, sorav ya da lafta «subet» keçirildi. Apiske alınğanlarnıñ episi 11 olıp, olardan ekisi qırımtatarlarğa qarşı edi.
Bundan ğayrı, beden ve ruhiy sağlıqnıñ yüksek seviyesi aqqını bozğan 3 vaqia qayd etildi, bu ise Rusiye akimiyeti tarafından insan aqlarına muntazam sürette ürmetsizlik kösterilgenini köstere.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.