Soqaqlarnıñ sesi. Qırımda Ukrainağa olğan sevgini nasıl köstereler (fotoresimler)

Saq rayonındaki Orehovo köyünde qırımlı Oleg Prihodkonıñ azbarında Ukraina bayrağı. 2021 senesi mart ayında o, «patlayıcı maddeni saqlağanında ve terakt azırlağanında» qabaatlandı. Prihodko qabaatını tanımadı. Ukraina ve halqara aq qorçalavyıcıları Prihodko Ukraina tarafdarı olğanı içün taqip etile, dep israr ete.

Saharnaya Golovka köyünde mavı-sarı garaj, 2019 senesi. Qırım.Aqiqat mühbiriniñ bildirgenine köre, eskiden garaj taqlit etilgen «merkeziy meydanda» tura edi. Qırım işğalinden soñ Qırımnıñ Rusiye akimiyetine «keder etti» – saibi onı yerli garaj kooperativi içine almağa mecbur oldı, lâkin renklerini deñiştirmedi

Bu yazını Qırım.Aqiqat mühbiri 2018 senesi Kezlev plâjlarından birinde kördi

«Biz «Qırım platformasına» qoltutamız» yazısı Yaşlıq (Molodejnoye) qasabası tarafından kelgende Aqmescit kirişinde peyda oldı. 

«Qırım platforması» – Ukraina teşebbüsinne başlatılğan halqara muzakere meydançığıdır. Onıñ esas maqsadı Qırımnı işğalden qurtaruv ve Ukraina kontroline qaytaruv ola

2018 senesi, Canköy. Mavı ve sarı kiramet Ukraina bayrağı şeklinde qoyulğan

2019 senesi. Şçelkino şeerinde quruluvı bitmegen reaktor damında Ukraina bayrağı. Bu fotoresim çıqrılğan soñ bayraq boyalandı. Bu aqta Qırım.Aqiqat mühbirine yerli sakinler haber etti

2021 senesi, Aqyar. Suv qullesinde sarı-mavı bayraq resmi bar, üstünde az körüngen – Ukraina gerbi

Balıqlava civarlarında eski arbiy bölük binasınıñ viranelerinde perun timsali

2021 senesi. Saqtaki qoralardan birinde Ukraina tuğrası yapıldı. Yanında «mahkemeler» sözü yazılğan

2021 senesi. Aqyarnıñ Mavı körfezindeki merdivenlerden birinde «Hayaller memleketi» dep yazılğan

2021 senesi. Aqyar soqaqlarından birinde «Den» ukrain gazetasınıñ «Yarın kene olacaq» («Zavtra znovu büde» – QA) şiarı ile reklaması

2019 senesi. Aqmescitteki garajlardan birinde «Ukrainağa qoltutamız» yazısı