Qırımda Canköy-Maslovo yolundaki köpürniñ yıqılması sebebinden yarımada ve Zaporijjâ vilâyetiniñ işğal etilgen qısmı arasında demiryol ile yük taşuvı toqtatıldı. Bu aqta TASS Rusiyeniñ naqliye nazirligine esaslanıp yaza.
Bir kün içinde yol areketiniñ ğayrıdan başlanacağı beklenile. Bundan ğayrı, Tuzlu göl – Canköy yolunıñ qısmında naqliyat areketi toqtatıldı.
Noyabrniñ 13-nde aqşam Canköy rayonında köpürniñ yıqılğanı aqqında belli oldı. Rusiye tahqiqatçıları bunıñ sebebi keçit boyu ketken yük maşinası olğanını bildirdiler.
Fevqulâde vaziyet neticesinde eki insan yaralandı – hastahanege tüşkenler, birisi ağır alda.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.