Qırımda gece ve noyabrniñ 6-nda saba erte Rusiye Federatsiyası ava mudafaasınıñ işi ve patlav sesleri eşitildi, dep haber ete yerli Telegram kanalları.
Hususan, "Krımskiy veter" Telegram kanalı Sarabuz qasabası civarında gece saat ekilerde dronlar uçqan ve atış sesleri eşitildi, dep bildirdi. Gece saat üçlerde bu mesken yerniñ civarlarında bir qaç patlav ve Aqmescit rayonındaki GRES qasabasında yanğın aqqında haber etildi.
Saat 6:00-ğa yaqın Bitumnoye qasabasında yanğın ve Aqmescitten Qırımnıñ Cenübiy yalısına qadar eşitilgen küçlü bir patlav aqqında haberler peyda oldı, dep ayta “Krımskiy veter” oquyıcıları. Qırım.Aqiqat bu malümatı teşkere.
Bunıñnen beraber, gece Rusiye monitoring Telegram kanalları Sarabuz, GRES, Aqmescit civarlarında ve Qırımnıñ şarqiy qısmında uçucısızlarnıñ darbe telükesi aqqında bildirdi.
Noyabrniñ 6-nda saba Rusiye Mudafaa nazirligi Qırımda yedi uçucısıznıñ yoq etilüvi aqqında bildirdi, amma bunıñ qayda olğanını aytmadı. Müessise beyanatlarınıñ bir delilini köstermedi, bu malümatnı mustaqil menbalarda tasdıqlamaq imkânsız ola.
Ukrayina tarafı bu haberni şimdilik izaatlamadı.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.