Qırımnıñ Rusiye yolbaşçısı Sergey Aksenov 10 belediyede «Fevqulâde vaziyet» rejimi ilân etildi, dep bildirdi.
Onıñ aytqanına köre, Canköy, Kezlev ve Saq şeerleri, Krasnoperekopsk, Saq, Aqmescit, Qarasuvbazar, İçki, Canköy ve Aqmeçit rayonları aqqında kete.
Bundan ğayrı, Aluşta, Sudaq ve Curçı rayonlarında «fevqulâde vaziyet telükesi» rejimi ilân etildi.
«Fevqulâde vaziyet alanınıñ sıñırları belgilene. Malümat alına, zarar miqdarını añlamaq içün iş yapıla», – dep yazdı Rusiye memurı.
Aksenov qayd etkenine köre, noyabrniñ 28-i sabasına 93 biñ insan elektrik energiyasız qala, 245 köyde suv yoq, 749 dam zarar kördi.
Qırımda noyabrniñ 26-nda küçlü furtuna başladı. Farqlı regionlarda terekler tüşti, onlarnen ev zarar kördi.
Yaramay ava neticesinde tahminen 200 biñ insan Qırımda elektriksiz qaldı. «Krımenergo» Rusiye müessisesiniñ malümatına köre, çoqusı Aqmescit (42,1 biñ), Saq (24,8 biñ), Bağçasaray (21,6 biñ), İçki (15,3 biñ) ve Qarasuvbazar (15,1 biñ) rayonlarında.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.