Rusiye içtimaiy ağlarında işğal etilgen yarımadada Rusiye qanunlarını bozğan qırımlılar "itiraf videosına" mecbur etilgenine dair haberlerniñ sayısı eksildi.
Bu aqta "Tribunal.Krımskiy epizod" aq qorçalayıcı leyhası Irade teşebbüsiniñ qapalı esabatına esaslanıp haber ete.
"Beklegenlernen küreşkenler", pıçaq ve ediyelik satqanlarnıñ ordunı itibardan tüşürgeninde qabaatlanğan qırımlılardan itiraf videoları aqqında yazğanları birden eksildi. Irade ekspertleri gizli esabatlarında bunı Rusiye uquq qoruyıcılarınıñ razı olmağan ealini daa sert taqip şekillerine keçkeninen bağlay. Aq qorçalayıcılarnıñ malümatına köre, qış devamında Rusiye mahsus hızmetleriniñ menfaatlarına hızmet etken informatsion meydançıqlarnıñ içerigi pek deñişti – insanlar fikirleri içün afu sorağan videolar pek az. Aynı vaqıtta qırımlılarnı ekstremizm ya da terrorizm aqlavı qabaatlavı boyunca tutuv videoları bayağı arttı", – dep qayd ete aq qorçalayıcılar.
Qayd etilgenine köre, Rusiye Federatsiyası Ceza kodeksiniñ (280 ve 205.2) maddelerine köre taqip sayısı 2025 senesi yazda artıp başladı. "Tribunal. Krımskiy epizod" leyhası yazğanına köre, cinaiy dava sayısı 4 qat artqan. Cemaat erbapları Ukrayina Silâlı quvetleriniñ arbiy areketlerine qoltutuv izaatları davağa çevirile ve bu terrorizm aqlavı qabaatlavınen taqip içün keniş bir alan ola, dep qayd ete.
Rusiye akimiyeti bu vaziyetni izaatlamay. Qırım.Aqiqat muarririyeti bu malümatnı cenk şaraitlerinde teşkerip olamay.