İyünniñ 15-nde gece Qırım ve Aqyarda yağmurlar yağdı ve furtuna yeli başladı, şu sebepten bir qaç mesken yerde elektrik energiyası kesildi, dep haber ete Rusiye ve Qırım kütleviy haber vastaları ve Rusiye akimiyeti.
Berilgen malümatqa köre, Köktebel, Aşağı Otuz (Kurortnoye), Müniy (Stepnoye) ve Baraq Köl (Nanikovo) köyleriniñ bir qısmı ışıqsız qaldı. Kefede farqlı rayonlarda elektrikler yoq, dep bildirdi şeerniñ Rusiye memuriyet yolbaşçısı İgor Tkaçenko.
Rusiye kontrolindeki «Krımenergo» müessisesi yazğanına köre, Canköy, Aqmescit rayonınıñ Nikolayevka köyü, Qarasuvbazar ve yedi köyünde, Aqmeçit rayonınıñ beş köyünde ve Yedi Quyu rayonınıñ üç köyünde elektrikler kesildi.
Bundan evel yarımadada Rusiyeniñ Fevqulâde vaziyetler nazirliginiñ idaresi Qırımda iyünniñ 15-nde 16-nda boranlı yağmur, burçaq ve saniyede 20 metr süratlı furtuna yeli sebebinden furtuna havfı ilân etildi, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.