Qırım ve Aqyarda «omikron» şekli tarqalğanınen yañı COVID-19 hastalarınıñ sayısı artmağa devam ete. Soñki künde Qırımda 751 hasta, Aqyarda 493 hasta qayd etildi, bu da tünevinden çoq oldı.
Aqyarda 72 insan covid hastahanelerine alındı. Al-azırda 647 hasta hastahanede buluna, 512-siniñ COVID-19 diagnozı tasdıqlandı. 62 yaşından 82 yaşına qadar 5 kişi vefat etti.
Qırımda 114 hasta hastahanege alındı. Bir künde 737 insan yahşı oldı. 9 vefat qayd etildi.
Qırım ve Aqyarnıñ Rusiye akimiyeti ilk «omikron» variantlı hastalar qayd etildi, dep tasdıqladı. Qırımda hastalar içün qoşma yerler açıldı. Aqyarda sıñırlav tedbirleri kirsetildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.