Rusiye arbiyleri iyünniñ 5-ne keçer gecesi Ukrayinağa H-59/69 eki aviatsion raketası ve 216 darbe uçucısızınen ücüm etti, bir qısmı Rusiye işğal etken Qırımdaki Çavda burnundan uçurıldı, dep bildirdi Ukrayina Silâlı quvetleriniñ Ava küçleri.
"İlk malümatqa köre, 07:30-ğa qadar ava mudafaası memleketniñ şimali, cenübi ve şarqında Shahed, Gerber, Italmas ve diger uçucısız olğan 198 duşman uçucısızını urdı/bastırdı", – dep aytıla haberde.
Ava küçleriniñ malümatına köre, 13 yerde 16 darbe dronınıñ ücümi qayd etildi, 12 yerde parçaları tüşti, idare etilgen aviatsion raketaları maqsadına irişemedi.
Arbiyler ücüm devam ete, Ukrayina ava boşluğında ise Rusiye dronları qayd etile.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.