Ukrayina Silâlı quvetleriniñ Baş ştabı işğal etilgen Qırımnıñ Avcıköy (Ohotniçye) civarlarında "Ay-Petri" radiotehnik batalyonınıñ radiolokatsion stantsiyası ve Qaynavut (Ovrajki) qasabasınıñ rayonı civarında Rusiye ordusınıñ askerlerine qarşı darbe aqqında bildirdi.
"Keçken künü Ukrayina bölükleri Zaporijjâ vilâyetiniñ Moloçansk, Stulneve, Kohane, Üspenivka ve Kirillovka civarındaki tehnik vasta anbarına, Donetsk vilâyetindeki Velıka Novoselka ve Rodinske yaqınlarındaki arbiylerge, Zaporijjâ vilâyetindeki Staroboğdanivka ve vaqtınca işğal etilgen Qırımnıñ Qaynavut (Ovrajki) köyüne muvafaqiyetli bir şekilde darbe endirdi. Bundan ğayrı, Herson vilâyetiniñ Ğola Prıstan civarlarında uçucısızlarnı idare etüv noqtası ücümge oğradı", – dep aytıla haberde.
Rusiye arbiyleri bu darbeler aqqında haber etmedi.
Ukrayina komandanlığı aprelniñ 228-nde Rusiyeniñ Krasnodar ülkesindeki Tuapsede cermay zavodına qarşı darbeni de tasdıqladı.
"İstilâcı Rusiyeniñ arbiy-iqtisadiy imkânlarını zayıflatuv çerçivesinde aprelniñ 28-ne keçer gecesi Ukrayina Mudafaa quvetleriniñ bölükleri Krasnodar ülkesinde "Tuapsinskiy" cermay zavodına tekrar darbe endirdi. Bu müessise işğalci Rusiye ordusını Ukrayinada temin ete. Darbe uçucısızlarınıñ obyektke ücüm etkeni ve yanğın çıqarğanı qayd etildi. Ketirilgen zarar miqdarı ögrenile", – dep aytıla haberde.
Aprelniñ 28-ne keçer gecesi dronlar Tuapse cermay zavodına ücüm etti, soñki ayda üçünci kere – bunı şaatlarnıñ video yerleri ve NASA FIRMS hızmetiniñ malümatı isbatlay.
Krasnodar ülkesiniñ operativ ştabı haber etkenine köre, cermay zavodında uçucısız parçaları tüşken soñ yanğın başladı, yaralanğanlar yoq.
Exilenova+ Ukrayina monitoring telegram kanalı yazğanına köre, onıñ malümatına köre, zavodda yañı ücüm neticesinde tehnologik esnaslarda iştirak etken bir ya da bir qaç rezervuar yandı.
Bu cermay zavodına qarşı ilk ücümler neticesinde müessiseniñ rezervuar parkında yaqarlıq savutlarınıñ yarısından ziyadesi yandı ya da zarar kördi, lâkin işlegen donatmalar zarar körmedi.
Qaç künden berli devam etken yanğın sebebinden cermay deñizge aqtı, şeerde ise bir qaç kere "cermay yağmurı" yandı.
Ukrayinağa qarşı Rusiyeniñ büyük istilâsı başlağan soñ Rusiyede ve işğal etken topraqlarında çeşit obyektler ava ücümlerine oğray. Eñ sıq 2024 ve 2025 seneleri ücüm sebebi cermay zavodları ola. Ukrayinanıñ işğal altındaki topraqlarında da Rusiye obyektleri ücümlerge oğray.
Ukrayina Silâlı quvetleriniñ Baş ştabı darbelerniñ büyük qısmını tasdıqlap, Ukrayina Mudafaa quvetleri "Rusiye işğalci ordusınıñ arbiy küçüni eksiltecek, Rusiyeni Ukrayinağa qarşı silâlı istilâğa mecbur etecek tedbirlerni muntazam sürette ala", dep bildire.