Rusiye Tış işler nazirligi hususiy emirler elçisi Rodion Miroşnikniñ bildirgenine köre, Ukrayina Silâlı quvetleri martnıñ 2-nden 9-na qadar Qırımda ve Samara vilâyetinde vatandaş trenlerine üjüm etti, neticede maşinacı yardımcısı elâk oldı, ve daa eki kişi yaralandı. Bu aqta diplomat Rusiyeniñ TASS agentligine bildirdi.
"[Keçken afta] vatandaş trenlerine eñ az üç ücüm yapılğanı qayd etildi. Qırım Cumhuriyetinde (Rusiye akimiyeti işğal etilgen yarımadanı böyle adlandıra – QA) dron darbesi maşinacı yardımcısını öldürdi ve maşinacını yaraladı. Aqmescit – Adler yolcu treni de ücümge oğradı, lokomotiv zarar kördi. Samara vilâyetinde uçucısız darbesi neticesinde tren maşinacısı yaralandı", – dedi o.
Qayd etmek kerek ki, işğal etilgen Qırımnıñ Rusiye akimiyeti trenlerge qarşı bir ücüm aqqında bildirmegen edi. Ukrayina silâlı quvetleri martnıñ 2-nden 9-na qadar yük trenlerine ücüm aqqında bildirdi.
Ukrayina Silâlı quvetleri Mahsus operatsiyalar küçleriniñ soñki tasdıqlanğan ücümi 2025 senesi dekabrniñ 14-nde oldı, o vaqıt Qırımda yanıcı-mazlayıcı maddelerinen trenge qarşı ücüm levhaları aydınlatıldı.
Qırım.Aqiqat muarririyeti yarımadada bu malümatnı mustaqil şekilde teşkerip olamay.