İşğal etilgen Qırımda yalı boyu yerlerinde kütleviy teşkerüv noqtaları ve maşina ve vesiqalarnıñ teşkerüvlerinen territorial mudafaa küçleriniñ büyük talimleri başlanğan soñ Qırım tarafında Keriç köprü ögünde nevbetler birden arttı, qomşu Rusiye tarafında ise eksildi, dep haber ete Qırım.Aqiqat mühbiri.
Talimler sentâbrniñ 26-nda faal sürette başlap, qorqqan turistlerni Qırımdan kütleviy şekilde ketmege mecbur etti. Bu aqta Qırım.Aqiqatqa #LiberateCrimea Qırımnı işğalden qurtaruv halqara areketiniñ Qırım bölügi tarif etti.
«Qayd etmeli ki, sentâbrniñ 27-nde Qırımda Turizm künü qutladı ve keç mevsimde raatlanğanlarnıñ sayısınen bağlı planlar aqqında aytıldı, amma yollarda öyle teşkerüvler olğanda angi turistler olacaq. Deñizge yaqın mesken yerlerden faallerimiz bir çoq turist qorqıp, Qırımdan tez-tez kete, dep haber ete», – dep qayd etti #LiberateCrimea Qırım bölügi.
Faallerniñ fikirince, Aksenovnıñ territorial mudafaa talimleri oktâbr ayında keç mevsimni bozdı.
«Oktâbr keç mevsimniñ ananeviy soñki ayı ola, amma bu yıl Qırımdaki talimler sebebinden vaqtından evel ketken turistlerden ğayrı, maşinañ teşkerüv içün darma-dağın etilgen, sen ise özüni cinayetçi olaraq is etken regionğa barmağa istegenlerniñ sayısı az olacaq, Ukrayina qanunlarına köre böyle turistler zaten cinayetçi ola, acılmaycaq», – dep qayd etti #LiberateCrimea.
Rusiye tarafından işğal etilgen Qırım yarımadasında Rusiye havfsızlıq küçleri yol çaprazlarında, müim obyektlerniñ yanında ve yalılarda pekitüvler, ateş noqtaları ve bekçi noqtalarnı qura. Uquq qoruyıcılar ve territorial mudafaanıñ talimlerinde «teftiş tedbirlerinen memuriy yerlerni bütünley qamaçavğa almaq» bar. Qırımnıñ Rusiye yolbaşçısı Sergey Aksenov qırımlılarnı «talimlerni keçirüvde yardım etmege ve raat qalmağa» çağırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.