İyulniñ 8-ne keçer gecesi Qırımda patlavlar eşitilli, Keriçte elektrik teminlevi toqtatıldı.
"Krımskiy veter" Telegram kanalı Qırımda saat 00:47-den başlap patlavlar aqqında bildirgen, bundan soñ Bağçasaray rayonı, Aqmescit, Kefe ve Aqyarda elektrikanen bağlı problemler reyda oldı.
"RİA Novosti Krım" Rusiye agentligi Rusiye kontrolindeki "Krımenergo" müessisesiniñ malümatına esaslanıp yazğanına köre, dronlarnıñ ücümi neticesinde Qırımnıñ şimaliy-ğarbi ve şarqiy qısmı ışıqsız qala.
Оккупированный РФ Крым погрузился в темноту из-за атак украинских дронов (фотогалерея)
Rusiye Mudafaa nazirligi Rusiye regionlarında, Qırımda ve Qara ve Azaq deñizlerinde tüşürilgen 415 uçucısız aqqında bildirdi.
İyün ayında Qırımdaki arbiy ve energetika obyektleri, Rusiye logistik yolları Ukrayina Silâlı quvetleriniñ eñ büyük ücümlerine oğray. Er kün yañı nişanlarğa darbeler aqqında haber etile, Qırımda yaqarlıq qıtlığı sebebinden adiy insanlarğa benzin satılmay, elektrik energiyası cedvelge köre berile, Keriç köpründe ise nevbetler bar. Bala şifahane müessiseleri ve lagerleri sentâbr ayına qadar raatlanğanlarnı qabul etmey.
Ukrayina Mudafaa naziri Mıhaylo Fedorov darbelerniñ maqsadını añlattı – "Qırım dronlarnen izolâtsiya etile". Onıñ aytqanına köre, bu "rusiyeliler içün pek beklenilmegen aqibetlerge yol aça bile".
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.