İşğal etilgen Qırımda oktâbrniñ soñunda Rusiye işğal etken Herson vilâyetiniñ Oleşkı şeerinden tahliye etilgen sakinlerni qabul eteler. Yarım yıldan berli olar Rusiye ordusı tarafından blok etilgeni içün gumanitar felâket vaziyetinde buluna ediler. Halqara gumanitar missiyası çerçivesinde Qırım yarımadasından tahliye etildi, bir çoq kişi anda qalmağa devam ete. Bu topraqta neler ola, Qırım.Aqiqat maqalesinde oquñız.
Rusiye işğal etilgen Oleşkı şeerinde gumanitar missiya oktâbrniñ soñunda ABDniñ birinci ledisi Melaniya Trumpnıñ aracılığınen Rusiye ve Ukrayina taraflarınıñ iştirakinen keçirildi. Onıñ çerçivesinde yerli sakinler tahliye etildi, regionda olğanlarğa gumanitar yardım berildi.
Soñki ayları bu şeerde peyda olğan gumanitar felâketten qurtulmağa tırışqan Oleşkı sakinleri onı terk etmege qarar berdi. Olar Kyiv kontrol etken Ukrayina qısmına, Rusiyege işğal etilgen Qırımğa yol aldı.
Rusiye kütleviy haber vastalarınıñ malümatına köre, Oleşkı şeerinden gumanitar missiya çerçivesinde 750 insan ketti. Bu malümatnıñ doğrulığı belli degil, çünki Ukrayina ombudsmeni Dmıtro Lubinets Rusiye ve Ukrayina tahliye etilgen sakinlerniñ sayısını aydınlatmamağa söz bergenler. Onıñ aytqanına köre, bu añlaşmalar çerçivesinde "Rusiyege ketmege istegenlerniñ ve Ukrayina kontrol etken topraqlarğa istegenlerniñ sayısı aydınlatılmay".
Rusiyege ketmege istegen Oleşkı sakinleri oktâbrniñ 30-nda aqşam Ermeni Bazarğa kelip çıqtı – Qırımnıñ şimalinde bir şeer. Rusiye akimiyeti bildirgenine köre, ekimler olarnı baqqan soñ insanlar Qırım yarımadasında ve Rusiyeniñ Krasnodar ülkesinde olğan vaqtınca yerleşüv noqtalarına yollanıldı.
"Yerleştirdiler, künde üç kere aş bereler"
Aqmescitte tahliye etilgenlerge tibbiy ve psihologik yardım kösterildi, dep bildire Rusiye akimiyeti. Bir qaç insan hronik hastalıqları fenalaşqanı içün, yürek ve damar problemlerinen ve patlavlar neticesinde alğan yaralarınen Aqmescit tibbiy müessiselerine alındı, dep bildirdi Rusiye kütleviy haber vastalarına Rusiye Sağlıq naziriniñ yardımcısı Aleksey Kuznetsov.
Hastahane baquvına ihtiyacı olğanlar Aqmescitniñ Qırım şifahane merkezine yerleştirildi, dep aytıla Rusiye akimiyetiniñ resmiy beyanatlarında.
Rusiye işğal etken Herson vilâyeti Oleşkı şeeriniñ sakinleri Aqmescitte tahliye vaqtında, 2026 senesi noyabrniñ 1-i
Angi merkez aqqında aytılğanı belli degil. Aqmescitte bir qaç tibbiy ve reabilitatsiya merkezi bar.
Yana Lantratova
Ekimler baqa ve kerekli taliller yapa. İleride az mesele degilYana Lantratova
"İnsanlarğa oda ve sıcaq aş azırlanıldı. Yanlarında ekimler, psiholog ve göñülliler bar. Ekimler baqa ve kerekli taliller yapa. İleride az mesele degil: vesiqalarnıñ ğayrıdan tiklenüvi, tedaviylev, yaşav, tuvğanlarınen bağ. Apparatımız olarnıñ qararlarını taqip etecek, er bir vaziyetni inceleycek ve insanlar kerekli yardım alsın dep tırışacaq", – dep bildirdi Rusiye ombudsmeni Yana Lantratova.
Onıñ aytqanına köre, tahliye etilgen Oleşkı sakinlerini Aqmescitte MFTs vekilleri ziyaret etip, vesiqalarını ğayrıdan tiklemek ve Rusiye uquq alanında qanunğa köre bulunmalarınen bağlı meselelerni çezmege yardım etti.
İnsanlarğa tuvğanlarına telefon etmeleri içün Rusiye sim-kartları berildi.
Resmiy haberlerde Qırımda energetika buhranı şaraitlerinde Qırımda mobil bağ olmağanı aytılmay.
"Telefon etmege imkân bergenler, bayram aqşamını yapqanlar"
Tahliye etilgen insanlarnıñ bir qısmı Aqmescitteki musafirhanelerniñ birinde qabul etkenler, kütleviy haber vastaları onıñ adını da aydınlatmay.
"Musafirhane hadimleri sağlıq imkânları sıñırlı olğan insanlar birinci qattaki odalarğa yerleştirildi, dep tarif etti. Balalı qorantalarğa qoşma kravatlar qoyuldı. Aleşkalılar (Rusiyede Oleşkı sakinlerine böyle deyler – QA) künde üç kere aşhanede aş berecekler. Aqşam olarnı sıcaq aşlar bekley edi", – dep haber ete "Rusiye gazetası".
Rusiye işğal etken Herson vilâyeti Oleşkı şeeriniñ sakini 2026 senesi oktâbr ayında tahliye vaqtında intervyü bere
Yana Lantratovanıñ malümatına köre, Qırımda tahliye etilgenler içün "boş vaqıtları da tüşünildi" – "balalarnıñ külümsiremege, büyüklerniñ ise telâşlardan biraz raatlanmağa sebep olsun dep, bayram aqşamı ve ayrı programma azırlandı".
Rusiye kütleviy haber vastaları derc etken videoda tahliye etilgen Oleşkılı qadın "ışıqsız, gazsız ve suvsız keçken eki buçuq yıldan soñ" Qırımda "cennet ayatını" is etti, dep ayta.
Oleşkı şeerinden kelgen insanlarnıñ bir qısmını Rusiye akimiyeti Rusiyeniñ Krasnodar ülkesindeki Tuapse şifahanelerinde yerleştirdi. Bu region Qara deñizde Rusiye mazutınıñ tökülmesi ve Ukrayina Mudafaa quvetleriniñ yerli cermy yerlerine yapqan darbeleri neticesinde eñ çoq kirlengenlerden biri ola.
Rusiye memurları Ukrayina Mudafaa Quvetleriniñ ücüminden soñ çıqqan yanğın vaqtında Tuapse soqaqlarından kete, 2026 senesi aprel ayı
Aziz suv ve ikonalarnıñ "yardımı"
Tahliye etilgen Oleşkı sakinleriniñ Qırımğa alıp ketirilüvinde Rus ortodoks kilsesiniñ yerli mitropoliya vekilleri faal iştirak etti.
Onıñ ve mahsus gumanitar merkezniñ temsiljileri Rusiye işğal etken Herson vilâyetini "gumanitar missiyalarnen" muntazam sürette ziyaret ete ve Ukrayinağa qarşı büyük istilâda iştirak etken Rusiye arbiylerine yardım ketire.
Rus ortodoks kilsesiniñ hızmetçileri areket etmesi zor olğan ve parça yaraları olğan insanlarnı yoqlap, er birine eki yardım komplektini berdi.
Rus ortodoks kilsesiniñ Qırım mitropoliyasınıñ papazı Aqmescit hastahanesinde Oleşkı şeerinden tahliye etilgen insanlarnı ziyaret ete, 2026 senesi oktâbr ayı
Birinci komplektte gigiyena vastaları ve turmuş şeyleri, ekincisinde Kosma ve Damian çoqrağından muqaddes suv, ortodoks edebiyatı, ikonalar, qoqu qutuları ve haçlar bar edi, dep bildirdi mitropoliyanıñ matbuat hızmeti.
Rus ortodoks kilsesiniñ Qırım mitropoliyasınıñ papazı Aqmescit hastahanesinde Oleşkı şeerinden tahliye etilgen insanlarnı ziyaret ete, 2026 senesi oktâbr ayı
"Qırımda edim, bu Ukrayina"
Oleşkı sakinlerini tahliye etüv gumanitar missiyası çerçivesinde Dmıtro Lubinets Ukrayina akimiyetiniñ resmiy vekili olaraq işğal etilgen Qırımnı ilk sefer ziyaret etti, bundan evel anda tek bir kere 2013 senesi barğan edi.
Menim areketlerim men Ukrayinadam ve mında Ukrayina olğanını köstergendirDmıtro Lubinets
"Bu bizim toprağımız, bu Ukrayina. Ukrayina vatandaşı olaraq ne is ettim? Böyle vaqıtta böyle bir mehanizm vastasınen anda bulunmağa imkânım olğanı içün pek quvandım. Mence, rusiyeliler de is etkenlerimni kördi. Menim areketlerim men Ukrayinadam ve mında Ukrayina olğanını köstergendir", – dedi o, jurnalistlerge.
Dmıtro Lubinets
Qırım Rusiyeniñ işğali altında halqara missiyalarğa qapalı qala. Regiondaki vaziyetniñ mustaqil monitoring işi Rusiye ve Ukrayina arasındaki cenk areketlerinen zorlaştırıla.
Viktoriya Veselova – RFE/RL içün yazğan jurnalistniñ telükesizlik maqsadınen qullanğan tahallüsi