«Faallerimiz bu yañılıq bir sıra institutta resmiy şekilde ilân etildi, dep bildire: fizik-tehnik, alâqa ve bağ ve filologik», – dep qayd ete faaller.
Qayd etmek kerek ki, universitet saytında iyul ayında yañı oquv yılınıñ programmasına bakalavriat studentleri içün «Arbiy azırlıq temelleri» yañı moduli kirsetilecek.
Qayd etilgenine köre, modul çerçivesinde «arbiy areket veteranları ve mahsus arbiy operatsiya iştirakçileri (Rusiye akimiyeti Ukrayinanen cenkni böyle adlandıra – QA) studentlerge ilk tibbiy yardım köstermege, yerni haritasız bilmege ve «umumarbiy nizamnamelerniñ esas maddelerini» ögretecek.
Berilgen malümatqa köre, Aqmescitte mektep talebelerine arbiy zenaatlarnı ögretmek içün arbiy-sport şeerçigini quracaq olalar.
Qırımtatar Milliy Meclisiniñ reisi Refat Çubarov Qırımnıñ aman-aman bütün mekteplerinde rusiyeliler balalarnıñ askeriyleştirilüvini yapa, olarnı Rusiye arbiyleri içün maskalav ağlarını örmege celp ete, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.