Qırım ve Aqyarda 1373 yañı COVID-19 hastası qayd etildi, dep bildire yarımadanıñ Rusiye ükümetiniñ saytları.
Qırımda 780 koronavirus hastası qayd etildi, bu tünevinki hasta sayısından azdır. 171 hasta hastahanege alındı, 503 kişi yahşı oldı. 5 vefat qayd etildi.
Aqyarda 593 yañı COVID-19 hastası qayd etildi, bu tünevinki raqamlardan daa yüksektir. 75 insan hastahanege alındı, 90 insan tüzeldi. 4 kişi vefat etti.
Qırım ve Aqyarnıñ Rusiye akimiyeti ilk «omikron» variantlı hastalar qayd etildi, dep tasdıqladı. Qırımda hastalar içün qoşma yerler açıldı. Aqyarda sıñırlav tedbirleri kirsetildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.