Al-azırda «Qırım birdemliginiñ» vatandaş faaliyetinde ondan çoq yönelişi bar, er ay ötkerilgen toplaşuvlarına 200-den çoq kişi kele (koronavirus pandemiyasından evelki körüşüvler aqqında aytıla). Facebooktaki resmiy saifesini otuz buçuq qullanıcı taqip ete.
«Qırım birdemligi». Qurulğanından bugünge qadar (video)
Your browser doesn’t support HTML5
«Qırım birdemligi» cemaat birleşmesi beş yıl evelsi – 2016 senesi aprelniñ 15-nde – işğal altındaki Qırımda quruldı. Bu teşebbüs yarımadada qırımtatarlar ve musulmanlarnıñ evlerinde keçirilgen tintüvlerge ve apis cezalarına qarşı bir cevap oldı. Birinci toplaşuvı olğanda Aqyardaki «Hizb ut-Tahrir davasınıñ» mabüsleri Ruslan Zeytullayev, Rustem Vaitov, Ferat Seyfullayev ve Nuri Primov endi apiste yatqan edi, üçü endi aşçatlıqqa çıqtı. Açıq olmağan birinci körüşüvden bir qaç kün keçken soñ teşebbüsni açıq meydançıqqa çevirmege qarar alındı. O, vatandaş işiniñ bir qaç tarafını birleştirdi, tanılğan bir ad aldı. «Qırım birdemligi» ve deñişmegen «Qayda birlik – anda azatlıq» şiarı böyle peyda oldı.