İşğal etilgen Qırımda sentâbrniñ 1-nde mekteplerde Bilgi künü munasebetinen merasimler ötkerilecek. Bu aqta TASS Rusiye devlet agentligi Qırımnıñ Rusiye tasil, ilim ve gençlik nazirliginiñ malümatına esaslanıp haber ete.
"Bilgi kününe bağışlanğan bayram teyedbirleri keçirilecek. Birinci ve mezun sınıflar içün – mektep binasında (meselâ, tedbir salonında); digeyer talebeler içün – sınıflarda", – dep bildirdi nazirlik.
Qırımnıñ Rusiye Tasil nazirligi malümatına köre, bütün mekteplerde qaravul mahsus teşkilâtlarneyen ve hadimlernen temin etilecek, obyektlerniñ telükelerine köre qarar alınacaq, uçucısız ücümi vaziyetinde balalarnıñ tahliye etilecek yerleri belgilenecek. Avgustnıñ 18-ne dron ücümi, reine alınuvı vaziyetinde areket talimi ötkerilecek.
Rusiye Maarif naziri Sergey Kravtsov qıyınlıqlarğa baqmadan, oquv yılı Qırımda belgilengen künlerde başlanacaq, dep bildirgen edi. Qırımda stabil internet olmağanı içün künlik oquvğa izin berildi.