Qazahistanda Bek Air ava şirketiniñ uçaq qazası neticesinde eñ az 14 insan elâk oldı, dep bildire Azatlıq Radiosı.
Dekabrniñ 27-nde saba Nur-Sultanğa ketken Fokker-100 uçağı Almatı ava limanından çıqqanda yükseklikni coyıp, beton qorasını yıqtı ve eki qatlı binağa uruldı. Qaza neticesinde patlav ve yanğın olmadı.
Uçaqta 95 yolcu ve beş ekipaj azası bar edi.
Elâk olğan doquz kişiden ğayrı, altı bala olğan doquz kişiniñ yaralanğanı belli. Eñ az beş insan ağır alda buluna, dep bildire Almatı halqara ava limanı Facebookta. Qurtarıcı hızmetler yolcularnı qaza yerinden tahliye etti.
Uçaq qazasınıñ sebepleri şimdilik belli degil. Qazahistanda bu çeşit uçaqlarnıñ seferleri vaqtınca toqtatıldı.
Bek Air ava şirketi 1999 senesi quruldı ve Qazahistanda iç ve halqara seferlerni kerçekleştirgen ilk ucuz ava yolu ola. Şirketniñ parkında Fokker-100 çeşitli yedi uçaq bar.