Qazahistan İç işler nazirligi polis 4266 insannı tuttı, aralarında «çetel vatandaşları» bar, dep bildirdi.
«Almatı vilâyetiniñ köylerinden birinde 100-den çoq insan tutuldı. İlk malümatqa köre, qomşu devletniñ vatandaşları tutuldı», – dep aytıla haberde. Angi devlet aqqında aytıla belli degil.
İç işler nazirligi, Jambıl vilâyetiniñ meskün yerlerinden birinde silâ tapıldı: bir qaç avtomat ve pıştav.
Qazahistan prezidenti Kasım-Jomart Tokayev yapqan muracaatında Almatığa «20 biñ isyancı ücüm etti» ve o, quvetçilerge ihtarsız ateş açmağa izin berdi, dep bildirdi.
Yanvarniñ 8-nde saba berilgen malümatqa köre, Almatında atışlar, tünevinki kibi çoq olmasa da, devam ete. Cumhuriyet meydanında arbiyler ve mahsus tehnika nevbetçilik yapa.
Yanvarniñ ekisinden berli memlekette şingen gaz fiyatları artqanından kütleviy narazılıq aktsiyaları keçirile. Yanvarniñ 6-nda Tokayevniñ ricasınen Qazahistanğa Ortaq telükesizlik añlaşması teşkilâtınıñ barıştırıcı quvetleri keldi.