Qazahistan prezidenti Nursultan Nazarbayev, istifağa çıqacagı aqqında bildirdi, dep haber ete Azatlıq Radiosı.
Bu hususta o martnıñ 19-ında canlı yayında bildirdi. Prezident vazifesini Senat spikeri Qasım-Jomart Toqayev vaqtınca becerecek.
“Men özümniñ prezident selâhiyetimni toqtatmağa qararına keldim. Bu yıl men eñ yüksek vazifede bulunğanıma 30 yıl olacaq. Halq maña mustaqil Qazahistannıñ ilk prezidenti olmağa fırsatını berdi”, - dedi Nazarbayev.
Nursultan Nazarbayev 1990 senesi aprel ayından berli memleket prezidenti vazifesini becere edi. 2015 senesi aprelde o prezident saylavında beşinci kere saylanıldı. Anda o 97,75% reylerni aldı.