Rusiye tarafından işğal etilgen Qırımda suv vaziyeti fenalaşmağa devam ete. Qarasuvbazar suv anbarınıñ suvu bayağı azlaşqanı sebebinden ondan Büyük Qarasuv özenine suv töküvni toqtattılar, dep haber ete Qırım.Aqiqat mühbiri.
Büyük Qarasuv özeniniñ yatağı Qarasuvbazar suv anbarınıñ bentinden aşağıda. 2024 senesi iyül ayı
Qarasuvbazar suv anbarında suv sıñırları bentniñ temelinden uzaqlaştı.
Qarasuvbazar suv anbarınıñ benti. 2024 senesi iyül ayı
"Soñki vaqıtqa qadar Qarasuvbazar suv anbarından suvnı Şimaliy-Qırım kanalını toldurmaq içün Büyük Qarasuv özenine ketire ediler. Bundan da ğayrı, işğalciler tarafından işğal etilgen soñ Qarasuvbazarda, Büyük Qarasuv yalısında 16 gektarlıq Qarasuvbazar issilik kompleksi büyük miqdarda suv istimal ete, er ay kombinat aman-aman biñ tonna sebze yetiştire. Körgenimiz kibi, suv taşuvı toqtatılsa da, anomal sıcaq ve qurğaqlıq sebebinden suv seviyesi tüşmege devam ete. Qırımnıñ suv teminatı ile bağlı vaziyet daa beter olacaqtır, çünki region devamlı qurğaqlıqqa oğradı", — dep izaatladı Qırım.Aqiqat Qırımnı işğalden qurtaruv halqara areketiniñ Qırım bölüginde.
Qarasuvbazar suv anbarınıñ açıq yamağı. 2024 senesi iyül ayı
İyünniñ ortasında Qarasuvbazar suv anbarınıñ saylaşuv vaziyeti kritik oldı — suv anbarınıñ cenübiy qısmı bütünley qurudı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.