Mayısnıñ 9-nda saba Rusiye arbiy gemilerini Qara ve Azaq deñizlerine nevbetke çıqarmadı. Bu aqta Ukrayına Silâlı quvetleri Arbiy deñiz quvetleriniñ matbuat hızmeti bildire.
«Qara ve Azaq deñizlerinde duşmannıñ gemileri yoq», – dep aytıla haberde.
Ukrayına prezidenti Volodımır Zelenskıy bildirgenine köre, 2024 senesi aprel ayında Rusiye ordusı Ukrayınağa 300-den çoq çeşit raketa uçurdı, aman-aman 300 Shahed kamikadze dronı ve 3200-den çoq idare etilgen ava bombasını attı.
Soñki vaqıtları, Ukrayına Arbiy deñiz quvetleriniñ malümatına köre, Ukrayına darbeleri vaqtında Rusiye gemileri zarar körgeni içün Rusiye bu gemilerni Qara deñizge nevbetke çıqarmay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.