İlk küzniñ 9-nda Qara deñizde TEDY gemisine uçucısız uçaqnıñ ücümi neticesinde Azerbaycannıñ eki vatandaşı elâk oldı. Bu aqta Azerbaycan Tış işler nazirligi bildirdi.
Müessiseniñ malümatına köre, elâk olğanlar — Aslan Aliyev ve Asim Gasımov, daa eki Azerbaycanlı yaralandı, olar Ukrayin Çernomorsk hastahanesine alıp ketirildi.
Azerbaycan Tış işler nazirliginiñ beyanatında, ücüm etilgen geminiñ yeri ve ücüm etken uçaqlarnıñ kimge ait olğanı aytılmay. Lâkin açıq menbalardan ve Rusiye Mudafaa nazirliginiñ beyanatından körüne ki, darbe Odesa yalısından uzaq degil eken ve Rusiye uçucısız uçaqları tarafından endirilgen.
Astra qayd etkenine köre, gemilerni taqip etüv hızmetiniñ malümatına köre, TEDY Somali bayrağı altında yürgen deñiz çekme ve teminlev gemisi olaraq tasnif etile. Onıñ uzunlığı tahminen 30 metrni teşkil ete. Çekiciniñ soñki mevamı İlk küzniñ 7-nde Qara deñizde Romaniya limanı Konstantsa yanında qayd etildi.