Ukrayina ve Rusiye prezidentleri Vladimir Putin ve Volodımır Zelenskıy muzakerelerge daa azır degiller, dep qayd etti Amerika prezidenti Donald Trump sentâbrniñ 3-nde CBS News telekanalına bergen telefon intervyüsında.
«Bu aqta prezident Putin ve prezident Zelenskıynen laf ettim. Bir şeyler olacaq, amma olar daa azır degiller. Amma bir şeyler olacaq», – dedi Trump ve «Rusiye ile muzakereler daa qolay olur edi, dep tüşündi… amma, ğaliba, bazılarından daa zor», dep qoştı.
Ukrayina ve Rusiye liderleri arasında muzakerelerni teşkil etmek niyeti aqqında ABD prezidenti Vladimir Putin ile Ankoricde avgustnıñ 15-nnde körüşken soñ aytqan edi.
Sentâbrniñ 3-nde Pekinde Putin Ukrayina prezidenti Volodımır Zelenskıy ile şahsiy körüşüv imkânını izaatladı. O, böyle körüşüv, Zelenskıy Rusiyeniñ paytahtına kelmege azır olsa, Moskvada ola bile, dep bildirdi.
Putin Zelenskıyge endi ekinci kere Moskvada körüşmege teklif ete. Birinci teklifini Ukrayina prezidenti kesen-kes red etti.
Muzakere lafları Rusiyeniñ Ukrayinağa qarşı devam etken darbeleri vaqtında ola. Avgustnıñ 28-nde Kyivge qarşı yapılğan darbe 23 insannı öldürdi, dördü bala edi.