Rusiye arbiyleri Ukraina şarqında bulunmay, dedi «canlı bağ» devamında Rusiye Federatsiyasınıñ prezidenti Vladimir Putin.
«Saçma-sapan! Ukraina şarqında Rusiye bölükleri yoq, ne mahsus hızmetleri, ne talimatçılar bar», – dedi Putin.
Onıñ aytqanına köre, Ukraina akimiyetine qarşı tek yerli eali çıqa.
«Buña eñ eyi isbat olaraq bunı qayd etmek kerek ki, insanlar, kerçekten de, yüzlerini açtı. Men öz ğarbiy şeriklerime de ayttım, olarğa ketmege yer yoq, olar ketmezler, olar bu topraqnıñ saipleri ve olarnen laf etmek kerek», – dedi Rusiye prezidenti.
Rusiye prezidenti Vladimir Putin bugün rusiyeliler ile «canlı bağnı» keçire, onıñ devamında vatandaşlarnıñ suallerine cevap bere. İlk sefer bu tedbirde işğal etilgen Qırım iştrak ete.
Ukraina şarqında separatist şiarlar altında narazılıqlar devam etmekte.
Silâlı Rusiye tarafdarları regionnıñ çeşit şeerlerinde memuriy binalarnı zapt etti.
Olar «Donetsk halq cumhuriyetini» ilân etip, Donbassnıñ statusını belgilemek içün referendumnıñ keçirilmesini talap eteler.
Ukraina akimiyeti salı künü başlanğan antiterroristik ameliyatnı devam ete.
«Saçma-sapan! Ukraina şarqında Rusiye bölükleri yoq, ne mahsus hızmetleri, ne talimatçılar bar», – dedi Putin.
Onıñ aytqanına köre, Ukraina akimiyetine qarşı tek yerli eali çıqa.
«Buña eñ eyi isbat olaraq bunı qayd etmek kerek ki, insanlar, kerçekten de, yüzlerini açtı. Men öz ğarbiy şeriklerime de ayttım, olarğa ketmege yer yoq, olar ketmezler, olar bu topraqnıñ saipleri ve olarnen laf etmek kerek», – dedi Rusiye prezidenti.
Rusiye prezidenti Vladimir Putin bugün rusiyeliler ile «canlı bağnı» keçire, onıñ devamında vatandaşlarnıñ suallerine cevap bere. İlk sefer bu tedbirde işğal etilgen Qırım iştrak ete.
Ukraina şarqında separatist şiarlar altında narazılıqlar devam etmekte.
Silâlı Rusiye tarafdarları regionnıñ çeşit şeerlerinde memuriy binalarnı zapt etti.
Olar «Donetsk halq cumhuriyetini» ilân etip, Donbassnıñ statusını belgilemek içün referendumnıñ keçirilmesini talap eteler.
Ukraina akimiyeti salı künü başlanğan antiterroristik ameliyatnı devam ete.