Ukraina prezidenti Volodımır Zelenskıy Frenkistan paytahtı Parijde resmiy ziyaretinen buluna. Bu aqta Frenkistannıñ Ukraina elçisi İzabel Dümon Twitterde yazdı.
«Prezident Volodımır Zelenskıy, Parijge hoş keldiñiz», – dep yazdı Dümon.
Bienvenue à Paris Monsieur le Président @ZelenskyyUa ! @APUkraine pic.twitter.com/ZY2G2QTxJm
— Isabelle Dumont (@isabelledumont) 17 июня 2019 г.
İnterfaks-Ukraina haber etkenine köre, bazarertesi künü yerli saatınen saat 15.30-larda Yelisey sarayında Frenkistan prezidenti Emmanuel Makron ve Zelenskıynıñ körüşüvi olacaq. Saat 16.30-larda prezidentlerniñ matbuat konferentsiyası keçirilmeli.
Zelenskıy Frenkistan Senatını da ziyaret etmege planlaştıra.
İyünniñ 17-nde aqşam Ukraina prezidenti Almaniyağa yol almalı.