Qırım Ukrayına kontroli altına qaytarılğan soñ ğayrıdan tiklengende qırımtatarlarnıñ fikrine emiyet bermege kerek olacaq. Bu fikirni baş nazir muavini – Ukrayınanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk bildirdi, dep haber eteUkrinform agentligi.
«Qırımnıñ ğayrıdan tiklenüvini onıñ sakinleri, qırımtatarlar körgeni kibi baqmalımız. Ukrayına devletçiligimizge ve yarımadağa ve onıñ tamır halqı qırımtatarlarğa ne kerek olğanını böyle añlay ve is etemiz. Birleştirsek, bu bizni bir daa çekiştirmege, genotsid yapmağa izin bermeycek ve cezasız keçmeycek. Ukrayına Qırımımıznı mıtlaqa ğayrıdan tiklermiz», – dep ayttı Vereşçuk.
Your browser doesn’t support HTML5
Как в Крыму отмечали День памяти жертв геноцида крымских татар
Onıñ qayd etkenine köre, Ukrayına yarımadasınıñ azat etilüvi akimiyet tarafından faal sürette muzakere etile. «Pek çoq qanun leyhası ve teşebbüs bar, bizni bekley ve ileride qabul etilecek», – dep qoştı Ukrayına reintegratsiya nazirliginiñ yolbaşçısı.
Baş nazir muavini işğalden azat etilgen topraqlar içün hadim yedekleri endi şekillendirilip başlandı, dep hatırlattı. «Genç nesil – hadim yedegidir. Qırımımıznı ğayrıdan tikleycek nesil böyle olmalı», – dedi Vereşçuk.
Bundan evel Mıhaylo Podolâk Qırım işğalden azat etilgen soñ muhtariyet statusı alınacaq, dep tahmin etken edi. Memurnıñ fikirince, unitar devlet erkânında muhtariyetniñ olması separatistler içün bir fırsat ola bile.
Qırımtatar Milliy Meclis reisi Refat Çubarov Podolâknıñ aytqanlarına cevap berip, «Qırım muhtariyetiniñ inkişafsızlığı yarımadada Rusiye bulunuvını quvetleştirgen sebeplerden biri oldı», dep ayttı. Anayasada imzalanğan yarımada muhtariyetligi deñiştirilmeli, dep tüşüne Çubarov.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.