Mitingler, yürüşler ve dualar. Yarımada ilhaq etilmeden evel qırımtatarlarnıñ sürgün etilmesi nasıl hatırlana edi (fotogalereya)
2006 senesi. Aqmescitniñ baş meydanında biñlerce kişi toplana
2007 senesi. Qırımtatarlar, halqnıñ sürgün etilmesine bağışlanğan matem mitinginden evel dua oquylar
2007 senesi mayıs 18 künü. Aqmescitteki Lenin meydanı, sürgün etüv vaqtında elâk olğanlarnıñ hatırasına sayğı köstermek ve o vaqialarnı hatırlamaq içün kelgenler ile tolu
2008 senesi mayıs 18-de qırımtatar halqınıñ sürgün etilmesi yıllığındaki mitingde bayraqlar ve simvolikanıñ çeşitliligi
2009 senesi. Qırımtatarlarnıñ kolonnası matem mitingi keçecek Aqmescitteki Lenin meydanına yaqınlaşa
2009 senesi mayıs 18 künü. Qırımtatarlar matem mitinginden evel dua oquy
2009 senesi mayıs 18 künü. Bir anane olaraq Aqmescitte Qırımnıñ tamır halqınıñ sürgün etilmesini hatırlaylar. Umumen Orta Asiyağa 180 biñden ziyade kişi sürgün etildi
2010 senesi. Transparanttaki yazı: «Mayıs 18 – qırımtatar halqına qarşı genotsid qurbanlarınıñ hatıra künü»
Er yıl yapılğan matem mitinginde kene biñlerce insan toplandı
2011 senesi mayıs 18 künü. Ukraina ve qırımtatar bayraqları arasında tamır halqınıñ ukümetten talapları ile transparantlar körüne
2011 senesi mayıs 18 künü. Qırımtatar milliy areketiniñ lideri Mustafa Cemilev matem mitinginde çıqış yapa
Aqmescitteki meydanda dua. 2012 senesi mayıs 18 künü
Matem mitinginde SSCBde dissidentler areketini başlağanlardan biri Vladimir Bukovskiy çıqışta buluna
2012 senesi mayıs 18 künü. Qırım jurnalisti Nikolay Semena (solda) Vladimir Bukovskiyden intervyü ala. Qırımnıñ Rusiye tarafından ilhaqından soñ Semena taqip etilüv obyekti olacaq
2012 senesi mayıs 18 künü. Qırımtatarlarnıñ sürgün etilmesiniñ 68-nci yıllığına bağışlanğan matem mitingi esnasında aq-uquq qorçalayıcılarınıñ bir gruppası. Fotosurette: Vasıl Ovsiyenko, Miroslav Marinoviç, Aleksandr Podrabinek, Natalya Gorbanevskaya, Vladimir Bukovskiy, Oles Şevçenko, İosif Zissels, Lüdmila Alekseyeva
Aqmescit 2013 senesi. Ananeviy matem mitinginden evel mazin ezan çağıra
Meydanda çeşit-türlü simvolikanı körmek mümkün. Eñ çoq – Ukraina ve qırımtatar bayraqları
Mustafa Cemilev Ukraina telekanallarına intervyü bere. İlhaqtan soñ oña vatanını ziyaret etmekni yasaq etecekler
2013 senesi mayıs 18 künü – qırımtatarlarnı sürgün etüv qurbanlarınıñ hatırasına ötkerilgen kütleviy mitinglerniñ soñkisi. İlhaqtan soñ yarımadada toplaşuvlar yasaq etildi